Кыргыз Республикасынын Президентинин иш башкаруучусу Каныбек Туманбаев Сокулук районунун Ак-Жол айылында мамлекеттик автомектептерге 70 жаңы автоунаанын ачкычын тапшырды. Автоунаалар «В» категориясы боюнча болочок айдоочулардын практикалык сабактарында колдонулат. Каныбек Туманбаев автоунааларды бөлүп бергени үчүн Президент Садыр Жапаровго ыраазычылык билдирди. Ал Президенттин тапшырмасы менен автомектептердин материалдык-техникалык базасы чыңдалып, талаптарга жооп берген жаңы окуу имараттары жана автодромдор курулуп жатканын белгиледи. Ош шаарында жаңы автодром ачылды, Бишкекте да жаңы автодром ачууга даярдык жүрүп жатат. Автомектептерде окуу 10 айга созулат. Даярдыгы жетиштүү курсанттарга төрт айдан кийин экзамен тапшырууга мүмкүнчүлүк берилет. Туманбаевдин айтымында, төрт айдан кийин эле экзамен тапшыргандардын жарымы ийгиликтүү тапшырып жатат. Экзамендин жүрүшү башынан аягына чейин аудио жана видеого жазылып, жасалма интеллект системасы аркылуу да көзөмөлдөнөт. Бул талапкерлердин билимин калыс баалоого жана сырттан кийлигишүүгө жол бербөөгө жардам берет.
Кыргыз Республикасынын Президентинин иш башкаруучусу Каныбек Туманбаев Сокулук районунун Ак-Жол айылында №1 мамлекеттик сыноо лабораториясын ачты. Лаборатория заманбап жабдуулар менен камсыздалган. Бул жерде жеңил автоунаалар, оор жүк ташуучу унаалар жана атайын техника текшерилет. Экспертизанын жыйынтыгы боюнча транспорт каражатынын конструкциясынын коопсуздугу тууралуу күбөлүк (СБКТС) жана электрондук паспорт (ЭПТС) таризделет. Жаңы лаборатория текшерүүнүн сапатын жогорулатууга жана жарандардын кезек күтүү убактысын кыскартууга шарт түзөт. Президенттин Жарлыгына ылайык, өлкө боюнча беш мамлекеттик сыноо лабораториясы ишке киргизилген. Учурда алардын баары жарандарды кабыл алууда.
Чүй облусунун Сокулук районуна караштуу Ак-Жол айылында транспорт каражаттарын каттоо боюнча жаңы «Түндүк» бөлүмү иштей баштады. Бөлүм Кыргыз Республикасынын Президентинин Иш башкармалыгына караштуу Транспорт каражаттарын жана айдоочулук курамды каттоо боюнча мамлекеттик борбордун курамына кирет. Алгачкы этапта транспорт каражатын биринчи жолу каттоо жана кайра каттоо боюнча арыздар «Түндүк» мобилдик тиркемеси аркылуу гана кабыл алынат. Жарандар арызды каалаган жерден телефон аркылуу бере алышат. Арызды адис тастыктагандан кийин бөлүмгө даяр техпаспорт менен мамлекеттик номерлерди алуу үчүн гана келишет. Даяр документтерди алуу үчүн паспортту алып келүү керек. Мамлекеттик номерлер алмаштырылган учурда мурдагы техпаспорт менен номерлерди да алып келүү зарыл. Бөлүмдү ачкан Кыргыз Республикасынын Президентинин иш башкаруучусу Каныбек Туманбаев жаңы тартип жарандардын убактысын үнөмдөп, кезек күтүүнү азайтарын белгиледи. Анын айтымында, каттоо кызматын толугу менен онлайн жүргүзүү боюнча иш жүрүп жатат. Кийинки кадам катары даяр техпаспорт менен мамлекеттик номерлерди жарандардын үйүнө жеткирүү каралууда. Жаңы бөлүм дүйшөмбүдөн жумага чейин саат 08:30дан 17:30га чейин иштейт. Бөлүмдүн дареги — Чүй облусу, Сокулук району, Ак-Жол айылы, Разное көчөсү, 10.
«Ысык-Ата» санаторийинде эки жаңы уктоочу корпус жана заманбап ашкана пайдаланууга берилип, эс алуучуларды каттоо жана тейлөө иштери санариптик форматка өткөрүлдү. Жаңы объекттердин ачылышына Кыргыз Республикасынын Президентинин Иш башкаруучусу Каныбек Туманбаев катышып, санаторийде жүргүзүлгөн жаңылоо иштери жана киргизилген заманбап технологиялар менен таанышты. Санаторийдин аймагында A-frame стилиндеги 12 заманбап үйдүн курулушу аяктады. Ошондой эле үч уктоочу корпустун экөө пайдаланууга берилип, үчүнчүсүндө оңдоо иштери уланууда. Мындан тышкары, дарылоо имараты жаңыланып, бассейн модернизацияланды. Санаторийдеги маанилүү жаңылыктардын бири «Саламат» автоматташтырылган маалыматтык системасынын ишке киргизилиши болду. Эми эс алуучуларды каттоо жана жайгаштыруу, бөлмөлөрдү алдын ала брондоо, тамактанууну уюштуруу, бассейнге келгендерди эсепке алуу жана дарылоо кызматтарына жазылуу бирдиктүү санариптик система аркылуу жүргүзүлөт. Ошондой эле жүздү таануу технологиясы (Face ID) киргизилип, эс алуучулардын кирип-чыгуусун көзөмөлдөө жана келгендерди эсепке алуу жеңилдетилди. Жаңы системанын жардамы менен кагаз иштеринин көлөмү азайып, ашыкча бюрократия кыскарат. Бул тейлөөнү тездетүүгө, каталарды азайтууга жана санаторийдин ишин натыйжалуу уюштурууга мүмкүндүк берет. Учурда «Ысык-Ата» санаторийинин инфраструктурасын мындан ары да өнүктүрүү, медициналык жана эс алуу кызматтарынын сапатын жогорулатуу боюнча иштер уланууда.
Иш башкармасы - Кыргыз Республикасынын Президентинин, Кыргыз Республикасынын жогорку кызмат адамдарынын, Кыргыз Республикасынын Президентинин Иш башкармасынын жана Министрлер Кабинетинин ишин финансылык, материалдык-техникалык, транспорттук, социалдык жана медициналык жактан камсыз кылуучу өз алдынча мамлекеттик орган. . Азыркы учурда Иш башкармасы көп тармактуу уюм болуп саналат, анын материалдык-техникалык базасы жана жакшы даярдалган кадрлары ага белгиленген компетенциянын чегинде жүктөлгөн милдеттерди жана функцияларды жогорку профессионалдык деңгээлде аткарууга мүмкүндүк берет. Ишкердик башкаруунун схемасы борбордук аппараттын түзүмдүк бөлүмдөрүн (бөлүмдөрүн) жана 17 ведомстволук уюмдарды камтыйт, аларда ар кандай тармактардын эки миңден ашык жогорку кесипкөй адистери иштейт. Көп жылдык тажрыйба, кызматкерлердин дилгирлиги, команданын ынтымактуулугу Бизнес администрациясына Кыргыз Республикасынын мыйзамдарына ылайык өз ыйгарым укуктарын натыйжалуу ишке ашырууга мүмкүндүк берет. Кыргыз Республикасынын Президентинин Иш башкармасы менен биргеликте мамлекеттик маанидеги маанилүү иш-чараларды даярдоо жана өткөрүү боюнча жогорку уюштуруучулук деңгээлде иш алып барууда. Ведомствого караштуу уюмдар мамлекеттик администрациялык имараттарды, мамлекеттик резиденцияларды, клиникалык оорукананы, автотранспорттук ишкананы жана башка мекемелерди тейлешет, алар көрсөтүлүүчү кызматтардын натыйжалуулугун жана сапатын дайыма жогорулатууга багытталган. Жыйынтыктап айтканда, Кыргызстан экономикалык жактан күчтүү, демократиялык мамлекетти куруу жолуна түшкөнүн белгилегим келет. Жарандардын бакубаттуулугун чыңдоого, коррупцияга каршы күрөшүүгө, ачык коомду курууга багытталган реформалар жүргүзүлүүдө. Бул Кыргыз Республикасынын Президентинин Аппаратынын ишмердүүлүгүнө кошумча талаптарды белгилейт жана биздин алдыбызга жаңы максаттарды жана милдеттерди коюп жатат.
Жаңылыктар / 02:00, 06 ноября, 2026
Кыргыз Республикасынын Президентинин иш башкаруучусу Каныбек Туманбаев Сокулук районунун Ак-Жол айылында мамлекеттик автомектептерге 70 жаңы автоунаанын ачкычын тапшырды. Автоунаалар «В» категориясы боюнча болочок айдоочулардын практикалык сабактарында колдонулат. Каныбек Туманбаев автоунааларды бөлүп бергени үчүн Президент Садыр Жапаровго ыраазычылык билдирди. Ал Президенттин тапшырмасы менен автомектептердин материалдык-техникалык базасы чыңдалып, талаптарга жооп берген жаңы окуу имараттары жана автодромдор курулуп жатканын белгиледи. Ош шаарында жаңы автодром ачылды, Бишкекте да жаңы автодром ачууга даярдык жүрүп жатат. Автомектептерде окуу 10 айга созулат. Даярдыгы жетиштүү курсанттарга төрт айдан кийин экзамен тапшырууга мүмкүнчүлүк берилет. Туманбаевдин айтымында, төрт айдан кийин эле экзамен тапшыргандардын жарымы ийгиликтүү тапшырып жатат. Экзамендин жүрүшү башынан аягына чейин аудио жана видеого жазылып, жасалма интеллект системасы аркылуу да көзөмөлдөнөт. Бул талапкерлердин билимин калыс баалоого жана сырттан кийлигишүүгө жол бербөөгө жардам берет.
Жаңылыктар / 01:00, 06 ноября, 2026
Кыргыз Республикасынын Президентинин иш башкаруучусу Каныбек Туманбаев Сокулук районунун Ак-Жол айылында №1 мамлекеттик сыноо лабораториясын ачты. Лаборатория заманбап жабдуулар менен камсыздалган. Бул жерде жеңил автоунаалар, оор жүк ташуучу унаалар жана атайын техника текшерилет. Экспертизанын жыйынтыгы боюнча транспорт каражатынын конструкциясынын коопсуздугу тууралуу күбөлүк (СБКТС) жана электрондук паспорт (ЭПТС) таризделет. Жаңы лаборатория текшерүүнүн сапатын жогорулатууга жана жарандардын кезек күтүү убактысын кыскартууга шарт түзөт. Президенттин Жарлыгына ылайык, өлкө боюнча беш мамлекеттик сыноо лабораториясы ишке киргизилген. Учурда алардын баары жарандарды кабыл алууда.
Жаңылыктар / 12:00, 06 ноября, 2026
Чүй облусунун Сокулук районуна караштуу Ак-Жол айылында транспорт каражаттарын каттоо боюнча жаңы «Түндүк» бөлүмү иштей баштады. Бөлүм Кыргыз Республикасынын Президентинин Иш башкармалыгына караштуу Транспорт каражаттарын жана айдоочулук курамды каттоо боюнча мамлекеттик борбордун курамына кирет. Алгачкы этапта транспорт каражатын биринчи жолу каттоо жана кайра каттоо боюнча арыздар «Түндүк» мобилдик тиркемеси аркылуу гана кабыл алынат. Жарандар арызды каалаган жерден телефон аркылуу бере алышат. Арызды адис тастыктагандан кийин бөлүмгө даяр техпаспорт менен мамлекеттик номерлерди алуу үчүн гана келишет. Даяр документтерди алуу үчүн паспортту алып келүү керек. Мамлекеттик номерлер алмаштырылган учурда мурдагы техпаспорт менен номерлерди да алып келүү зарыл. Бөлүмдү ачкан Кыргыз Республикасынын Президентинин иш башкаруучусу Каныбек Туманбаев жаңы тартип жарандардын убактысын үнөмдөп, кезек күтүүнү азайтарын белгиледи. Анын айтымында, каттоо кызматын толугу менен онлайн жүргүзүү боюнча иш жүрүп жатат. Кийинки кадам катары даяр техпаспорт менен мамлекеттик номерлерди жарандардын үйүнө жеткирүү каралууда. Жаңы бөлүм дүйшөмбүдөн жумага чейин саат 08:30дан 17:30га чейин иштейт. Бөлүмдүн дареги — Чүй облусу, Сокулук району, Ак-Жол айылы, Разное көчөсү, 10.
Жаңылыктар / 09:00, 26 октября, 2026
«Ысык-Ата» санаторийинде эки жаңы уктоочу корпус жана заманбап ашкана пайдаланууга берилип, эс алуучуларды каттоо жана тейлөө иштери санариптик форматка өткөрүлдү. Жаңы объекттердин ачылышына Кыргыз Республикасынын Президентинин Иш башкаруучусу Каныбек Туманбаев катышып, санаторийде жүргүзүлгөн жаңылоо иштери жана киргизилген заманбап технологиялар менен таанышты. Санаторийдин аймагында A-frame стилиндеги 12 заманбап үйдүн курулушу аяктады. Ошондой эле үч уктоочу корпустун экөө пайдаланууга берилип, үчүнчүсүндө оңдоо иштери уланууда. Мындан тышкары, дарылоо имараты жаңыланып, бассейн модернизацияланды. Санаторийдеги маанилүү жаңылыктардын бири «Саламат» автоматташтырылган маалыматтык системасынын ишке киргизилиши болду. Эми эс алуучуларды каттоо жана жайгаштыруу, бөлмөлөрдү алдын ала брондоо, тамактанууну уюштуруу, бассейнге келгендерди эсепке алуу жана дарылоо кызматтарына жазылуу бирдиктүү санариптик система аркылуу жүргүзүлөт. Ошондой эле жүздү таануу технологиясы (Face ID) киргизилип, эс алуучулардын кирип-чыгуусун көзөмөлдөө жана келгендерди эсепке алуу жеңилдетилди. Жаңы системанын жардамы менен кагаз иштеринин көлөмү азайып, ашыкча бюрократия кыскарат. Бул тейлөөнү тездетүүгө, каталарды азайтууга жана санаторийдин ишин натыйжалуу уюштурууга мүмкүндүк берет. Учурда «Ысык-Ата» санаторийинин инфраструктурасын мындан ары да өнүктүрүү, медициналык жана эс алуу кызматтарынын сапатын жогорулатуу боюнча иштер уланууда.
